Ummæli við: Höfuðborg vs. Landsbyggðin

By: Bjorn Emilsson, USA

Bjorn Emilsson, USA — Thu, 17 Apr 2008 18:53:55 +0000

Ísland byggir á hreinleika, Ómengað land, Hreint vatn, Ómengaður fiskur
Aðalatvinnuvegur Íslands er fiskveiðar og landbúnaður. Þar með telst ný búgrein sem er vatn. Vatnsiðnaður er sá iðnaður sem hraðast vex í heiminum. Átappað vatn er orðinn stærri söluvara en gosdrykkir og fer vaxandi. Eins og Oscar Wilde sagði – kannske fyrir 100 árum – Vatn verður dýrara en flaska af skosku viskíi. Vatn er þegar dýrara en bensín. Styrjaldir framtíðarinnar verða um vatn, ekki olíu. Farartæki framtíðarinnar verða knúin vatni, að sagt er. Þjóðarauður Íslands er menntað, skynsamt og sjálfstætt fólk , fært um að takast á við nýjan heim krystaltækni og samgagna. Lifandi í frelsi og hreinleika og hamingju.

By: Bjorn Emilsson, USA

Bjorn Emilsson, USA — Thu, 17 Apr 2008 18:38:00 +0000

Það gleymist alveg að tala um verðmæti landsbyggðarinnar. Allt þetta ósnortna land sem situr þarna eins og óspjölluð ungmey. Sjá menn ekki möguleikana á stórfeldum landbúnaði, búum með hundruð þúsunda fjár, fjölbreytta framleiðslu kindakjöts á hugraða markaði erlendis, ull og skinn á heimsmælikvarða, svo eitthvað sé nefnt. Þá má tala um gróðurhús og stórfellda grænmetis og blómarækt. Þessu fylgir fjölbreytt mannlíf í faðmi ómengaðrar náttúru, útvistarsvæði með sundlaugum. Paradís á jörð.
Þá skulum við tala um fiskiplássin. Auka um allan helming fulllunna framleiðslu úrvals fiskmetis. Sjóstangaveiðar og hótel við sjávarsíðuna, og veitingahús sem bjöða uppá bestu fiskrétti í heimi. Svo má lengi telja.

By: Brynjar

Brynjar — Thu, 17 Apr 2008 18:26:38 +0000

Bara til að hafa það á hreinu, ef það hefur ekki komist nægjanlega vel til skila, þá er stærð svæðis ein af breytunum sem þarf að taka inn í en ekki hinn endanlegi stóridómur.

By: T.

T. — Thu, 17 Apr 2008 15:05:02 +0000

Hugmyndin um jafnt atkvæðamagn getur aðeins gilt innan einsleitra svæða. Þetta er öllum ljóst þegar rætt er um áhrif Íslands á alþjóðavettvangi. Okkur finnst sjálfsagt að Ísland eigi fulltrúa í Öryggisráði SÞ, sendum fjölda þingmanna á Norðurlandaþing og til eru þeir sem telja líklegt að við munum hafa áhrif á Evrópuþingi… Ef reglan um jafnt atkvæðamagn gilti þá ættum við hvergi fulltrúa í alþjóðastofnunum. Þegar reynt er að hafa þingmannafjölda kjördæmanna svipaðan þá er unnið út frá þeirri grunnhugsun að hagsmunir kjördæmanna fari ekki alltaf saman.

By: Guðjón

Guðjón — Thu, 17 Apr 2008 14:44:27 +0000

Ég bý í útlöndum. Útlönd eru mun stærra svæði en landsbyggðin og höfuðborgin samanlagt. Það er eitthvað yfir 6000 Íslendingar búsettir erlendis og spannar svæðið frá Norðurpólnum til Suðurpólsins, frá Snæfellsnesi til Austfjarða (löngu leiðina). Eins og er höfum við engann þingmann. En samkvæmt landsbyggðarrökræðunni ættum við að hafa einhver hundruði þingmanna. Ég vona að þú sláist í lið með okkur Brynjar og berjist gegn þessu ranglæti.

By: Stígur

Stígur — Thu, 17 Apr 2008 13:35:42 +0000

Mér finnst að það eigi að búa til nýtt hálendiskjördæmi sem hefði 35 þingmenn. Þar eru sko margir fermetrar sem allt of fáir eru að hugsa um.

By: Brynjar

Brynjar — Tue, 15 Apr 2008 17:47:21 +0000

Ha?

Getum við ekki verið sammála um að vera ósammála?

Verð ég að vera á þinni skoðun?

Ég er á því að þingmenn þurfi að vera hlutfallslega fleiri vegna fermetrafjölda og hef fært rök fyrir því.

Þú segir að þingmenn eigi að vera í samræmi við íbúafjölda og hefur fært rök fyrir því.

Ég ber virðingu fyrir þinni skoðun, þú ræður hvort þú gerir slíkt hið sama.

By: Þórir Hrafn

Þórir Hrafn — Tue, 15 Apr 2008 16:30:48 +0000

Sæll,

Þetta ákvæði bindur í stjórnarskrá heimild til þess að mismuna þegnum landsins. Þó að þeir setji þak á hve mismunin má vera mikil þá er þetta engu að síður mismunun, ég nenni ekki að fara yfir tölurnar hér en ég gerði það í grein um daginn en hana má sjá hér:

http://www.vefritid.is/index.php/greinasafn/hvad-tharf-marga-hafnfirdinga-til-ad-kjosa-althingisman/

Niðurstaða stjórnarskrár mismunarinnar er í stuttu máli sú að kjördæmi sem á að hafa 6 þingmenn er með 9 þingmenn og kjördæmi sem á að hafa 16 þingmenn hefur 12.

Það gerir mismunina ekkert minni að hópur þingmanna skuli setja hana í stjórnarskrá og það réttlætir hana ekki.

“Eru sex þingmenn nægilegur fjöldi svo sjónarmið þessara íbúa komist á framfæri? Ég tel að svo sé ekki en þetta eru tvenn ólík sjónarmið og líklega verðum við að vera sammála um að vera ósammála”

Nei við þurfum ekki að vera sammála um að vera ósammála. Ég tel að hver maður eigi að vera eitt atkvæði á meðan að þú telur að atkvæði manns eigi að vega meira af því að fermetra fjöldinn í kjördæminu hans er svo og svo mikill. Ég get bara ekki viðurkennt rétt þinn til þess að telja að atkvæði sumra eigi að vega meira en atkvæðið mitt, bara af því hvar þeir búa.

Það má reyndar vel vera að 6 þingmenn séu fullfáir til þess að sjá um eins viðaðmikið og fjölbreytt kjördæmi og Norðvestur kjördæmið er. Ef menn vilja breyta því þá á ekki að gera það með því að brjóta á rétti höfuðborgarbúa, það væri t.d. mun auðveldara að leysa það með því að fjölga þingmönnum. Hvað ætli þyrfti að fjölga þingmönnum mikið til þess að nvkjördæmi ætti rétt á 9 – 10 þingmönnum?

Svo mætti bara gera landið að einu kjördæmi, þá yrðu allir jafnir og þeim þingmönnum sem ættu að berjast fyrir hagsmunum NVkjördæmis fjölagði úr 9 í 63.

By: Brynjar

Brynjar — Tue, 15 Apr 2008 15:32:53 +0000

Sæll Þórir

Í stjórnarskránni (31. grein) er kveðið á um einmitt þetta. Þar segir:

Ef kjósendur á kjörskrá að baki hverju þingsæti, að meðtöldum jöfnunarsætum, eru eftir alþingiskosningar helmingi færri í einu kjördæmi en einhverju öðru kjördæmi skal landskjörstjórn breyta fjölda þingsæta í kjördæmum í því skyni að draga úr þeim mun. Setja skal nánari fyrirmæli um þetta í lög.

Eftir því sem fækkar, til dæmis í Norðvesturkjördæmi þá fækkar þingmönnum. Vissulega er atkvæðamagn á bak við hvern þingmann misjafnt en ástæðan er að mínum dómi einföld.

Akranes, Borgarbyggð, Dalabyggð, Eyja- og Miklaholtshreppur, Grundafjarðarbær, Grundafjarðarbær, Helgafellssveit, Hvalfjarðasveit, Skorradalshreppur, Snæfellsbær, Stykkishólmur, Árneshreppur, Bolungarvík, Ísafjörður, Bæjarhreppur, Kaldraneshreppur, Reykhólahreppur, Súðavík, Strandabyggð, Tálknafjörður, Vesturbyggð, Akrahreppur, Blönduós, Húnaþing vestra, Húnavatnshreppur, Skagabyggð, Skagafjörður og Skagaströnd.

Þetta eru sveitarfélögin sem eru á könnu þingmanna Norðvesturkjördæmis. Við skulum láta liggja milli hluta mikilvægi á sameiningu þessara sveitarfélaga en landsvæðið sem þessir þingmenn þurfa að fara yfir minnkar ekkert við það.

Eru sex þingmenn nægilegur fjöldi svo sjónarmið þessara íbúa komist á framfæri? Ég tel að svo sé ekki en þetta eru tvenn ólík sjónarmið og líklega verðum við að vera sammála um að vera ósammála

By: Þórir Hrafn

Þórir Hrafn — Tue, 15 Apr 2008 10:13:55 +0000

“Með réttu ættu að vera sex þingmenn á Norðvesturkjördæmi en sextán í kraganum. Væri það sanngjarnt? Að sex þingmenn sinni kjördæmi sem spannar frá Hvalfjarðargöngum til Hofsós og gleymum ekki Vestfjörðum? ”

Já það væri sanngjarnt. Kosningaréttur manna á ekki að fara eftir þeim fermetrum sem eru undir honum, einn maður á að vera eitt atkvæði. Ef að íbúar einhvers kjördæmis eru ekki nógu margir til þess að bera uppi fleiri en 6 þingmenn, þá eiga þeir ekki að hafa fleiri en sex þingmenn. Það skiptir engu máli að svo vilji til að þeim sé dreift um meira landsvæði en í öðru kjördæmi.

Þessi furðulega hugmynd um fermetralýðræði, þ.e.að kosningaréttur manna eigi að fara eftir því hversu margir fermetrar eru undir honum, er fáránlegt. Hún stríðir gegn grunnhugmyndum um lýðræði sem flestir Íslendingar gefa sig út fyrir að aðhyllast.

Eftir einhverja áratugi mun Íslendingum þykja það jafn fáránlegt að skerða atkvæðisrétt manna á grundvelli búsetu og þeim þykir að skerða hann á grundvelli, tekna eða eigna að öðru leiti.

Vandamál landsbyggðarinnar eru vissulega fyrir hendi og leita á leiða til að koma til móts við þau. En leiðin til þess er ekki sú skerða atkvæðisrétt íbúa höfuðborgarsvæðisins.

Kveðjur